سانگلہ ہل + ماموں کانجن+ پاکپتن+ شاہ پور+ بورے والا (نمائندہ نوائے وقت+ نامہ نگاران) سانگلہ ہل میں 14سالہ لڑکے، ماموں کانجن، بورے والہ، پاکپتن اور شاہ پور صدر میں لڑکی اور 4 بچوں سے زیادتی کی گئی۔ نواحی چک نمبر 42 مرڑ میں اوباش نوجوان محمد عابد نے فضل دین کے بیٹے 14 سالہ امیر حمزہ کو ہوس کا نشانہ بنا ڈالا، امیر حمزہ قریبی گاﺅں سے میلہ دیکھ کر واپس آرہا تھا ملزم عابد اسے کماد کی فصل میں لے گیا پہلے وحشیانہ تشدد اور پھر ہوس کا نشانہ بنا ڈالا، پولیس تھانہ صدر نے محمد عابد کے خلاف مقدمہ درج کر لیا ہے۔ علاوہ ازیں ماموں کانجن میں نواحی گاﺅں 494گ۔ ب کی 16سالہ لڑکی(س) کو ظفر شرےف نے بے آبرو کر دیا۔ بورے والا میں 156ای بی کے محنت کش محمد حیات کے 12سالہ بیٹے کو زمیندار کے بیٹے طارق لنگڑیال، پاکپتن میں گاﺅں 34 ای بی کے اختر معین کے 10سالہ بیٹے عابد حسین سے انجم وغیرہ 2 افراد نے زیادتی کی۔ شاہ پور کے قصبہ بکھربار کی بھٹوکالونی میں 12سالہ بچے قیصر شہزاد سے مدثر، قصبہ ماچھی والا میں نبی بخش اظہر وغیرہ نے 10 سالہ تصور عباس کو زیادتی کا نشانہ بنا ڈالا۔
زیادتی