پشاور(اے پی پی)بنوں میں مختلف واقعات میں2 افراد جاں بحق جبکہ 2 زخمی ہوگئے۔تفصیلات کے مطابق تھانہ ہویدبنوں کی حدودمیں کوٹکہ طورممہ خیل کے مقام پر نامعلوم افراد نے فائرنگ کرکے55سالہ شخص کو قتل کردیا ،ملزمان واردات کے بعد فرارہونے میں کامیاب ہوگئے۔پولیس نے نامعلوم افرادکے خلاف مقدمہ درج کرکے تفتیش شروع کردی۔دوسرے واقع میں تھانہ کینٹ کی حدود میں واقع بنوں میرانشاہ روڈ پر موسیٰ پٹرول پمپ کے قریب موٹر سائیکل حادثے میں ایک شخص جاں بحق جبکہ دوافرادزخمی ہوگئے۔پولیس نے رپورٹ درج کرکے تفتیش شروع کردی۔