گال ٹیسٹ پر سری لنکا کی گرفت مستحکم‘ جیت کیلئے 135 رنز درکار

کراچی(اسپورٹس رپورٹر) گال ٹیسٹ میں میزبان سری لنکا کی پوزیشن مستحکم ہوگئی اور ٹیسٹ کے آخری روز سری لنکا کو جیت کے لئے135 رنز درکار ہیں جبکہ10 وکٹس باقی ہیں۔ تفصیلات کے مطابق گال ٹیسٹ کے چوتھے روز کھیل ختم ہونے تک میزبان ٹیم نے نیوزی لینڈ کے خلاف بغیر کسی نقصان کے133 رنز بنالئے۔ اور میچ پرگرفت مضبوط کرلی۔ چوتھی اننگز میں دونوں اوپنرز کرونتارنے نے 71 اور تھرمننے نے 57 رنزاسکورکئے اورکریز پرموجود ہیںاس سے قبل نیوزی لینڈ کی ٹیم285 رنزبناکر آئوٹ ہوگئی میزبان ٹیم کو268 رنز کا ہدف دیا۔ سری لنکا کے اوپنرز نے133 رنز بناکر ٹیسٹ پرگرفت مضبوط کرلی اور جیت کے لئے اسے مزید135 رنز درکار ہیں۔ نیوزی لینڈ کا اسکور پہلی اننگز249 رنزجبکہ دوسری اننگز285 رنز‘ میزبان ٹیم سری لنکا کا پہلی اننگز میں267 رنز جبکہ دوسری اننگز میں بغیرکسی نقصان کے133 رنز ہے۔