لیکسنگٹن (سپورٹس ڈیسک)  امریکہ کی نامور ٹینس سٹار جینیفر بریڈی نے ٹاپ سیڈ اوپن ٹینس ٹورنامنٹ جیت لیا۔ انہوں نے فائنل میں سوئٹزرلینڈ کی جل ٹائچمن کو شکست دیکر ٹائٹل اپنے نام کیا۔  فائنل میچ میں امریکہ کی جینیفر بریڈی کا مقابلہ سوئیٹزرلینڈ کی جل ٹائچمن سے تھا جس میں میزبان کھلاڑی نے شاندار کارکردگی کا مظاہرہ کرتے ہوئے حریف سوئس کھلاڑی کو دونوں سٹریٹ سیٹس میں 6-3 اور 6-4 سے ہرا کر ٹورنامنٹ کا ویمنز سنگلز ٹائٹل جیت لیا۔  ہیلی کارٹر اور ان کی برازیلین جوڑی دار لوئیسہ سٹیفانی نے ڈبلیو ٹی اے ٹاپ سیڈ اوپن ٹینس ٹورنامنٹ ویمنز ڈبلز ایونٹ جیت لیا۔ انہوں نے فائنل میچ میں جمہوریہ چیک کی مائری بوزکووا اور ان کی سوئس جوڑی دار جل ٹائچمن کو شکست دیکر ٹائٹل اپنے نام کر لیا۔