کشمیر پریمیئر لیگ میں اندازے  سے زیادہ کامیابی ملی :عارف ملک 

لاہور(سپوٹس رپورٹر)کشمیر پریمیئر لیگ  کے صدر عارف ملک نے کہاہے کہ اعداد و شمار کے مطابق کے پی ایل ٹاپ لیگز میں شامل ہو چکی ہے، ہمیں اندازے سے زیادہ کامیابی ملی ہے ہم نے کامیابی کا سوچا بھی نہیں تھا۔ کے پی ایل دیکھنے کیلئے پاکستان بھر سے لوگ آئے ‘انہوں نے کہا کہ اس لیگ سے سب سے زیادہ فائدہ کشمیری کرکٹرز کو ہوا ، انہوں نے اپنا آپ منوایا ہے۔ لیگ کے سیزن ٹو میں مزید انٹرنیشنل معیار سامنے آئے گا،ہم سیزن ٹو میں ایک اور ٹیم شامل کرنے جا رہے ہیں۔