اسلام آباد (نمائندہ خصوصی)زرعی ترقیاتی بینک کے صدر شہباز جمیل نے وفاقی وزیر خزانہ اور محصولات شوکت ترین سے ملاقات کی۔شہباز جمیل نے وزیر خزانہ کو تقریبا چار سال کے وقفے کے بعد 30 جون 2021 کو ختم ہونے والے بینک کے رجسٹرڈ سہ ماہی منافع کے بارے میں آگاہ کیا۔وزیر خزانہ نے کہا کہ قرضے فراہم کرنے کی بہترین پالیسیاں اپنانے ، سخت اکاؤنٹنگ کنٹرول ، جدید بینکاری حل اور طویل مدتی میں تبدیلی کے لیے کفایت شعاری کے اقدامات پر زور دیا ۔ جاری کرونا  وبانے لین دین کے حجم کو بڑھانے کے لیے آپریشنز میں ڈیجیٹل تبدیلی کو نافذ کرنا ضروری بنا دیا ہے۔ انہوں نے کہا کہ زیڈ ٹی بی ایل پاکستان کا ایک معروف زرعی فنانسنگ بینک ہے جو غریب کسانوں کو قرضوں میں توسیع دے رہا ہے جس کا مقصد بنیادی سطح پر زرعی پیداواری صلاحیت کو بڑھانا ہے۔وزیر خزانہ نے  ہدایت کی کہ بینک کے خصوصی آپریشنز کو بڑھانے کے لیے ٹھوس کوششیں کی جائیں۔ جمہوریہ کوریا کے سفیر سان سنگ پیو نے وفاقی وزیر خزانہ  شوکت ترین سے ملاقات کی۔ ، وزیر خزانہ نے کہا کہ پاکستان کوریا کے ساتھ دوستانہ تعلقات کا حامل ہے اور دونوں ممالک کے درمیان دوطرفہ تعلقات کو مزید مستحکم کرنے کا خواہاں ہے۔ وزیر خزانہ نے 3 سالہ فریم ورک  کے لیے کوریا کا شکریہ ادا کیا جس کے تحت آئی ٹی ، تعلیم اور صحت کے منصوبوں کے لیے 500 ملین ڈالر فراہم کیے جا رہے ہیں۔