کراچی(وقائع نگار) کراچی سے شاہ نورانی مزار جانے والی گاڑیوں کے درمیان ہونے والے خوفناک تصادم کے نتیجے میں پانچ  شہریوں کے دیگر علاقوں میں3افراد جاں بحق ہوگئے ۔ریسکیو ذرائع کے مطابق شاہ نورانی جانیوالی گاڑیاں حسن پیر کے مقام پرآپس میں ٹکراگئیں، حادثے میں پانچ افراد موقع پر ہی جاں بحق جبکہ سات شدید زخمی ہوئے، جاں بحق افراد میں ایک خاتون اور دو بچے بھی شامل ہیں، فوری طور جاں بحق افراد کی شناخت نہیں ہوسکی ہے،دلخراش حادثے کے بعد امدادی ٹیمیں جائے حادثے پر پہنچی اور لاشوں وزخمیوں کو سول اسپتال حب منتقل کیا گیا، جہاں زخمیوں کی حالت تشویشناک بتائی جاتی ہے واضح رہے کہ شاہ نورانی مزار جانے والی سڑک تنگ ہونے کے باعث آئے روز یہاں حادثات رونما ہوتے رہتے ہیں، جس کے باعث قیمتی جانوں کا ضیاع ہوتا ہے۔ ادھر لیاقت آباد پل پر ٹریفک حادثہ میں25سالہ شخص کی شناخت نہیں ہوسکی جبکہ قائد آباد ایبٹ کمپنی کے قریب ٹریفک حادثہ میں 45سالہ شاہد علی شاہ ولد سید امین علی شاہ اوربلدیہ مواچھ گوٹھ خورشید پورا قبرستان کے قریب ٹریفک حادثہ مین 50سالہ نامعلو شخص جاں بحق ہیوگیاتینوں افرادکی لاشوں کوچھیپا ایمبولینس کے ذریعے سول ،عباسی شہیداورجناح ہسپتال منتقل کردیاگیاہے۔