عمران خان کی غلط پالیسیوں سے جغرافیائی سرحدیں غیر محفوظ ہیں: بیگم بیلم حسنین 

لاہور(لیڈی رپورٹر)پیپلزپارٹی کی سابق رکن قومی اسمبلی بیگم بیلم حسنین نے کہا کہ عمران خان کی غلط پالیسیوں کیوجہ سے آج ملک کی جغرافیائی سرحدیں غیر محفوظ ہوکر رہ گئی ہیں ۔پاکستان کے عوام نت نئے مسائل اور مشکلات سے دوچار ہیں ۔صرف قائد اعظم کا نام استعمال کرکے قائد کے پاکستان کا حلیہ بگاڑ کر رکھ دیاہے ۔پیپلزپارٹی اپنے چیئرمین بلاول بھٹو زرداری کی قیادت میں ایک پروگریسو پاکستان کے قیام کیلئے جدوجہد جاری رکھے ہوئے ہے ۔قائداعظم کے بعدقائد عوام ذوالفقار علی بھٹو نے پاکستان کا نام عالمی سطح پر بلند کیا ملک کو متفقہ آئین ودستور دیا ،ایٹمی پروگرام کی بنیاد رکھنے کے علاوہ اس کی ترقی ،خوشحالی اور سلامتی کیلئے تاریخی اقدامات اٹھائے ،مگر خود قائداعظم کے نام نہاد جانشینوں نے ملک کے ساتھ جو کھلواڑ کیا آج قوم اس کے نتائج بھگت رہی ہے ۔ان خیالات کا اظہار انہوںنے اپنے ایک بیان میں کیا۔