ڈی ایس پی ‘سی آراو قدیر بشیر کے اعزاز میں الوداعی تقریب

لاہور(نامہ نگار) انویسٹی گیشن ہیڈکوارٹرزلاہور میںڈی ایس پی، سی آر او قدیر بشیر کے تبادلے پر پر الوداعی تقریب کااہتمام کیا گیا۔تقریب میں ایس ایس پی انویسٹی گیشن عمران کشور ، ایس پی سی آر او ذوہیب نصراللہ رانجھا نے شرکت کی۔ڈی ایس پی قدیر بشیر بطور ڈی ایس پی سی آر او فرائض سر انجام دے رہے تھے۔ڈی ایس پی قدیر بشیر کو ڈی ایس پی نولکھا تعینات کیا گیا ہے۔ایس ایس پی انویسٹی گیشن نے ڈی ایس پی قدیر بشیر کو اعزازی شیلڈ اور تحائف پیش کیے۔
لوئر مال سے 35سالہ نامعلوم شخص کی نعش برآمد
لاہور(نامہ نگار) لوئر مال کے علاقے میں فٹ پاتھ پر 35سالہ نامعلوم شخص کو مردہ حالت میں پڑا دیکھ کر راہگیر نے پولیس کو اطلاع کی۔ پولےس نے نعش کی شناخت نہ ہونے پر پوسٹ مارٹم کےلئے مردہ خانے منتقل کر کے قانونی کارروائی کا آغاز کردیا ہے ۔متوفی نشے کا عادی تھااور اس کی ہلاکت نشے کی زیادتی کے باعث ہوئی ہے۔