اختر آباد (نامہ نگار) ڈاکوؤں کی فائرنگ سے ایک شخص جاں بحق، دوسرا زخمی ہو گیا۔ ملزم فرار ہونے میں کامیاب ہو گئے۔ تفصیلات کے مطابق عبدالرحمان، قاری بلال، ندیم اشرف اور محمد اشرف وغیرہ اپنی کار پر حویلی لکھا سے رات ایک بجے واپس آرہے تھے کہ جب وہ بھومن شاہ کے قریب بمبی لاہوریاں والی کراس کرنے لگے تو سڑک پر ناکہ لگائے کھڑے ڈاکوؤں نے ان کی کار روکنے کی کوشش کی اور کار نہ روکنے پر ڈاکوؤں نے فائرنگ کر دی، جس کے نتیجے میں گولیاں لگنے سے محمد اشرف اور عبدالرحمن شدید زخمی ہوگئے جن میں سے محمد اشرف موقع پر دم توڑ گیا جبکہ عبدالرحمان کو شدید  زخمی حالت میں ہسپتال منتقل کر دیا گیا۔
اختر آباد؍ ڈاکو فائرنگ