لیبر کمپلیکس انڈسٹریل اسٹیٹس  ملتان میں شجر کاری مہم کا آغاز

ملتان (سپیشل رپورٹر)لیبر کمپلیکس انڈسٹریل اسٹیٹس ملتان میں لیبر منیجمنٹ کمیٹی کی جانب سے زیر سرپرستی ملک محمد رفیق کے 75 ویں جشن آزادی کے موقع پر کمپلیکس میں پودے لگاکر شجر کاری مہم کا آغاز کیا گیا۔ اس موقع پر ملک محمد رفیق نے میڈیا سے گفتگو کرتے ہوئے کہاکہ لوگ سایہ تو ڈھونڈھتے ہیں مگر درخت کوئی نہیں لگاتا درخت ماحولیاتی آلودگی کے خاتمے کا واحد ذریعہ ہے۔
پٹواری کے سرکاری فیس غبن کرنے کا معاملہ‘خبرکی اشاعت پر مال حکام میں کھلبلی
کہروڑ پکا ( نیوز رپورٹر) موضع جمرانیواہ کے مبینہ کرپشن میں ملوث پٹواری کے دوبارہ چارج سنبھالنے اور سابقہ 92انتقالات کی تقریباً تریپن لاکھ روپے سرکاری فیسیں غبن کرنے کی خبروں کی اشاعت کے بعد محکمہ مال حکام میں کھلبلی مچ گئی اور اسسٹنٹ کمشنر کہروڑ پکا ڈی۔ سی آفس لودہراں کے با اثر اہلکاروں اور پٹواری کے بااثر سیاسی سرپرستوں نے سر جوڑ لئے۔