ناران سے 3 کلومیٹر دور بٹل کے مقام پر ہنگامی بنیادوں پر متبادل  راستہ تیار کرلیا،این ایچ اے

اسلام آباد(نمائندہ نوائے وقت)این ایچ اے نے حالیہ بارشوں سے  متاثرہ راستوں کی بحالی کے اقدامات کے تحت  ناران سے 3 کلومیٹر دور بٹل کے مقام پر ہنگامی بنیادوں پر متبادل راستہ تیار کرلیا ۔ ترجمان این ایچ اے   نے کہا کہ این ایچ اے حکام نے متبادل راستہ کے ذریعے ٹریفک کو عارضی طور پر بحال کر دیا ہے۔ انہوں نے کہا ہے کہ وفاقی وزیر مواصلات  مولانا اسعد محمود  اور چیئرمین  این ایچ اے تمام کاموں کی خود نگرانی کر رہے ہیں۔انہوں نے کہا کہ حالیہ بارشوں کے باعث ناران کے قریب بٹل کے مقام پر  تیز پانی کے بہائو سے گرنے والے پل کی تعمیر کے لئے مانسہرہ سے سامان بٹل کے مقام پر پہنچادیا گیا ہے، این ایچ اے کے اعلی حکام اور فیلڈ عملہ موقع پر موجود ہے۔ ترجمان این ایچ اے نے کہا کہ وفاقی وزیر مواصلات مولانا اسعد محمود کی قیادت میں مسافروں کی سہولت کیلئے کوشاں ہیں۔   واضح رہے کہ ناران کے قریب بٹل کے مقام پر  تیز پانی کے بہائو سے پل گرگیا تھا۔
این ایچ اے