مہربان ٹاﺅن ، بیٹھک کا تالا توڑ کرچوری نقدی اور طلائی زیورات لے اڑے

اسلام آباد(اپنے سٹاف رپورٹر سے)ڈکیتی ،چوری کی وارداتوں میں شہری نقدی، زیورات ،گاڑیاں ،موٹر سائیکلوں سے ہاتھ دھو بیٹھے تھانہ آبپارہ کو محمد ابرار نے بتایا کہ میرے گھر واقع جی سکس ون ٹو میں ایک لاکھ 55 ہزار روپے کی نقدی اور موبائل فون چوری ہوگئے تھانہ شہزاد ٹان کو فہد شریف نے بتایا کہ مہربان ٹاﺅن میں میرے گھر کی بیٹھک کا تالا توڑ کر 45 ہزار روپے کی نقدی، طلائی لاکٹ دو طلائی انگوٹھیاں اور دو مرغے چوری ہوگئے تھانہ سیکرٹریٹ کو جاوید اقبال نے بتایا کہ بری امام کے علاقے میں میرے گھر سے 70 ہزار روپے کی نقدی ،آٹھ تولہ وزنی چاندی کا کڑااور دو عدد موبائل فون چوری ہوگئے تھانہ آبپارہ کوثنااللہ نے بتایا کہ جی سیون تھری میں ہنڈا سوک کار میں سوار دو مردوں اور ایک عورت نے مجھ سے 20ہزار روپے چھین لئے تھانہ مارگلہ کو عبداللہ نے بتایا کہ میری کار،تھانہ رمنا کو طاہر محمود نے بتایا کہ جی الیون فور سے میرا کیری ڈبہ، تھانہ ہمک کو طاہر نجیب نے بتایا کہ ماڈل ٹاو¿ن سے میرا بولان کیری ڈبہ، تھانہ کراچی کمپنی سے صفدر اقبال ، تھانہ کوہسار سے مجتبیٰ طاہر ،تھانہ لوہی بھیر سے مظہر حسین ، تھانہ شالیمار سے ابرار احمد ،تھانہ سیکرٹریٹ سے محمد سہیل ،تھانہ آئی نائن سے فلک شیر ،تھانہ کورال سے ارسلان نیازی، تھانہ رمنا سے عمر حیات، تھانہ سنبل سے خرم شہزاد کے موٹرسائیکل چوری ہوگئے ہیں۔