کراچی(اسٹاف رپورٹر) چشن آ زادی کے موقع پر صدائے انسانیت سوشل ویلفیئرآرگنائزیشن کی جانب سے منعقدہ رنگا رنگ تقریب میں ایڈیشنل ڈاریکٹر ضلع وسطی سعیدہ فاطمہ اور صدائے انسانیت کی سربراہ شمسہ ماہ جبین نے غریب اور نادار بچوں کے ہمراہ کیک کاٹا۔ اس موقع پر غریب بچوں میں اسکول یونیفارم بیگز اور کورس سمیت پاکستانی پرچم کے رنگ والے لباس تقسیم کیے گئے۔ڈاکٹرز سے بچوں کے میڈیکل چیک اپ کروائے گئے اور ادویات بھی فراہم کی گئیں۔تفریب میں پاکستان کے ملی نغموں اور ترانوں کی کیٹلاک تیار کرنے والے ابصار احمد‘ انعام یافتہ مقرر فرخ سعید‘ سماجی رہنما مرزا بلال بیگ نے بھی شرکت کی۔