چچا نے بھتیجی کو سیوریج مین ہول میں پھینک کر قتل کردیا

ملتان(نمائندہ خصوصی) گھریلو جھگڑے پر ظالم تایا جلاد بن گیا۔4 سالہ بھتیجی کو 25 فٹ گہرے سیوریج ہول میں پھینک کر کے قتل کر دیا پولیس نے واقعے کا مقدمہ درج کر کے خاتون سمیت دو ملزمان کو گرفتار کر لیا معلوم ہوا ہے کہ تھانہ سیتل ماڑی کے علاقے کھاد فیکٹری متی تل روڈ پر تایا نے 4 سالہ بھتیجی کو سیوریج مین ہول میں پھینک دیا۔ ملزم فیصل کا بھائی سے جھگڑا ہوا۔ جس پر اس نے اپنی بھتیجی کو گہرے گٹر میں پھینک دیا۔اطلاع ملنے پر ریسکیو کنٹرول روم نے اطلاع ملتے ہی جائے حادثہ پر ریسکیو ایمبولینس ، ریکوری وہیکل، ریسکیو ٹیمیں بھیجوا دیں۔بچی کو نکالنے کے لیے ریسکیو اہلکاروں آپریشن شروع کیا۔ ریسکیو اہلکاروں نے بچی کی لاش کو نکال کر پولیس کی موجودگی میں نشتر ہسپتال منتقل کر دیا۔دوسری جانب پولیس نے واقعہ کا مقدمہ درج کر کے پولیس نے چند ہی گھنٹے بعد خاتون سمیت مرکزی ملزم کو گرفتار کر کے تفتیش شروع کر دی ہے۔
قتل کردیا