وی سی نشتر میڈیکل یونیورسٹی کی طلبا کو ایمان، اتحاد،تنظیم کی پاسداری کی تلقین

ملتان (وقائع نگار خصوصی ) جشنِ آزادی کی مناسبت سے نشتر میڈیکل یونیورسٹی میں گزشتہ روز جشن آزادی منایا گیا جس میں وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد نے بطور مہمان خصوصی شرکت کی۔۔ تہوار میں فوٹو گرافس کی نمائشیں، مصوری، شاعری اور قومی نغموں سمیت مباحثوں کا اہتمام کیا گیا تھا۔ پرنسپل نشتر میڈیکل کالج پروفیسر ڈاکٹر راشد قمر راو¿ ، ڈائریکٹر سٹوڈنٹس افیئرز پروفیسر ڈاکٹر محمد عباس نقوی اور دیگر سینئر فیکلٹی ممبران نے شرکت کی اور طلباء و طالبات کو آزادی کی اہمیت بارے آگاہی فراہم کی جبکہ وائس چانسلر نشتر میڈیکل یونیورسٹی پروفیسر ڈاکٹر رانا الطاف نے خطاب کرتے ہوئے طلباﺅطالبات کو قائد اعظم محمد علی جناح کے قول ایمان، اتحاد اور تنظیم کی پاسداری اور وطن عزیز کی ترقی کے لیے تن من دھن کی بازی لگانے کی تلقین کی کی۔