نسل کی تعلیم کے ساتھ تربیت انتہائی ضروری :سعید گلشن

میلسی (نامہ نگار) نئی نسل کو تعلیم کے ساتھ تربیت انتہائی ضروری ھے ، موبائیل کی وجہ سے کتابوں کا شوق ختم ہوتا جارہا ھے ان خیالات کا اظہار گورنمنٹ ہائی سکول کے پرنسپل سعید احمد گلشن نے ماہی بلوچ میں اقبال پبلک سکول اینڈ اکیڈمی کی افتتاحی تقریب سے کیا انہوں نے کہا کہ تعلیمی ادارے بناکر نئی نسل کو تعلیم کے زیور سے آراستہ کرنا بھی صدقہ جاریہ ھے اور ملک وقوم کی خدمت بھی ھے تقریب کے مہمان خصوصی شہزاد احمد خان کھچی تھے سکول کے پرنسپل جاوید اقبال نے کہا کہ بچوں کو معیاری اور جدید تقاضوں کے مطابق تعلیم دیں گے تاکہ طلبہ اپنا مستقبل روشن کر سکیں اس موقع پر پیر ریاض ، حسین شاہ ، مہر محمد حنیف ، ارشد عباس ، بابر اقبال ، لونے خان، فوجی محمد حنیف ، ماسٹر فاروق خان، سجاد احمد سعیدی ، یوسف امیر ، جعفر خان، ابرار خان ، سمیع اللہ خان بھی موجود تھے ۔