جہانیاں (نمائندہ نوائے وقت ) یوم آزادی کے موقع پر احساس ویلفیئر سوسائٹی چک 136 کی طرف سے تقریب کا انعقاد، ریلی نکالی گئی، بچوں کے مابین مختلف مقابلوں کا انعقاد انعامات تقسیم کیے گئے،نوجوان نسل میں قیام پاکستان کے حوالے سے شعور اجاگر کرنے کے لئے تقریب منعقد ہوئی جس میں بچوں کے مابین تلاوت قرآن پاک، نعت رسول مقبول، ملی نغمے اور تقاریر کے مقابلے منعقد کروائے گئے،جس میں گاو¿ں کے بچوں نے بھر پور حصہ لیا، ججز کے فرائض سرانجام دینے کے لئے گاو¿ں کے تمام مکاتب فکر کے علماءقاری احمد رضا،قاری محمد صادق، مولانا محمد یوسف نے خصوصی شرکت کی،جنہوں نے پوزیشن حاصل کرنے والے بچوں میں انعامات تقسیم کئے ، انہوں نے کہاکہ قیام پاکستان کے وقت لاکھوں مسلمانوں نے قربانیاں دیں وطن کی حفاظت ہماری زمہ داری ہے، جس کے لیے ہم سب کو ملکر کام کرنا ہوگا، اس موقع پر چوہدری احمد علی چوہدری ساجد علی، افتخار چوہدری، محمد عدنان، فہد محمود، حسنین، اکرام، نوید احمد سمیت دیگر بھی موجود تھے۔