ڈیرہ مراد جمالی:بجلی کے تار گھر پرگرنے سے 5 افراد جاں بحق

بلوچستان کے علاقے ڈیرہ مراد جمالی میں بجلی کی تاریں گھر میں گر گئیں،5افراد کرنٹ لگنے سے جاں بحق ہو گئے۔ایس ایچ او سٹی سکندر عمرانی کے مطابق علاقہ شرقی میں ٹرانسفارمر جلنے سے  بجلی کی تاریں گھر میں گری تھیں۔ایس ایچ او سٹی سکندر عمرانی نے کہا کہ بجلی کی تاریں گھر میں گرنے سے کرنٹ پھیل گیا اور 5 افراد جاں بحق ہو گئے۔ جاں بحق افراد میں میاں بیوی، دو بیٹے اور گھر آیا مہمان شامل ہے، تمام افراد کی لاشوں کو ڈی ایچ کیو ہسپتا ل منتقل کر دیا گیا ۔