پاکستانی معروف اداکار وہاج علی کہ فوٹو شوٹ ویڈیو وائرل، ویڈیو میں اپنی حسین آنکھوں کی گستاخیاں معاف کرنے کی درخواست کردی۔
تفصیلات کے مطابق وہاج علی ان دنوں پاکستانی ڈراموں کے شوقین افراد کے دلوں کی دھڑکن بننے ہوئے ہیں اور اسی سبب ان کی چھوٹی سے چھوٹی بات بھی چرچوں میں آجاتی ہے۔اداکار نے رواں سال پاکستانی ڈرامے "تیرے بن‘"میں مرتسم کا کردار اس قدر عمدگی سے نبھایا کہ ہر ایک قسط کے ساتھ ان کے مداحوں کی تعداد میں اضافہ ہوتا چلاگیا۔حال ہی میں اداکار نے ایک پاکستانی کلاتھنگ برانڈ ’مشک‘ کیلئے فوٹو شوٹ کروایا جس کی تصویر اور ویڈیو سوشل میڈیا پر وائرل ہورہی ہیں اور انہیں دیکھ کر وہاج کے دیوانے ان پر فدا ہوئے جا رہے ہیں۔ویڈیو میں وہاج علی نے سرمئی و سفید قمیص کے ساتھ ٹراؤزر زیب تن کیا ہوا ہے جبکہ جس کمرے میں وہ موجود ہیں وہ چند حسین فانوس سے مزین ہے۔ویڈیو میں وہاج علی کمرے میں چلتے ہوئے نظر آتے ہیں اور کمرے میں موجود دو فانوس کے درمیان میں سے نکلتے ہوئے کیمرے کے قریب تر ہوتے چلے جاتے ہیں۔اس ویڈیو میں 1999 میں ریلیز ہونے والی بھارتی فلم ’ہم دل دے چکے صنم‘ کا گانا ’آنکھوں کی گستاخیاں معاف ہوں‘ لگایا گیا ہے جبکہ گانے کی مناسبت سے وہاج علی اپنے چہرے کے تاثرات کچھ ایسے دے رہے ہیں کہ دیکھنے والا چاہ کر بھی ان کی آنکھوں کی گستاخیاں معاف نہ کرسکے۔سوشل میڈیا صارفین کی جانب سے ویڈیو کو بے حد پسند کر رہے ہیں جبکہ صارفین ان کی آنکھوں کے قاتلانہ انداز کی بے حد تعریف کر رہے ہیں۔ ایک صارف نے لکھا کہ" اور سناؤ لڑکیوں، کہاں گئی لگتا بے ہوش ہو گئی ہیں"، ایک اور صارف نے لکھا کہ "وہاج بس ایک آنکھوں سے کتنی بات قتل عام کریں گے۔"
