عرفان کی سنچری ‘ شاہینز اے سی ٹی کامیٹس کوہر اکر سیمی فائنل میں پہنچ گئے  

لاہور(سپورٹس رپورٹر)محمد عرفان خان کی اپنی پہلی ٹی ٹونٹی سنچری کی بدولت پاکستان شاہینز نے ٹاپ اینڈ ٹی ٹونٹی سیریز میں اپنے آخری لیگ میچ میں آسٹریلیائی کیپیٹل ٹیریٹری کامیٹس کو 91 رنز سے شکست دیدی ‘سیمی فائنل کیلئے کوالیفائی کرلیا۔پاکستان شاہینز نے ٹاس جیت کر بیٹنگ کا فیصلہ کیا ۔ شاہینز نے پاور پلے میں 4وکٹوں پر 48رنز بنائے ۔عرفان خان 19ویں اوور میںآئوٹ ہوئے ‘انہوںنے 56 گیندوں پر 106 رنز کی  سنچری بنائی۔ حسیب اللہ34گیندوں پر 49 رنز بنا کر ناٹ آؤٹ رہے شاہینز نے 6وکٹوں پر202 رنز بنائے ۔ 202 رنز کے تعاقب میںاے سی ٹی کومیٹس 16.1 اوورز میں 111 رنز پر ڈھیر ہو گئی۔ شاہینز نے چھ میچوں میں پانچ جیت کیساتھ پوائنٹس ٹیبل پر ٹاپ پوزیشن حاصل کی۔سیمی فائنل میں شاہینز کا مقابلہ ایڈیلیڈ سٹرائیکرز جبکہ بنگلہ دیش اے کا این ٹی سٹرائیک سے ہو گا۔