لاہور(سپورٹس رپورٹر)بنگلادیش کے کرکٹر مشفیق الرحیم نے کہا ہے کہ اسلام آباد پہلی بار آیا ہوں، شہرخوبصورت ہے اور یہاں سہولتیں بھی اچھی ہیں۔ پاکستان شاہینز بہت اچھا کھیلی، خصوصاً عمر امین کی بیٹنگ بہت اچھی رہی، نسیم شاہ اور محمد علی کی کارکردگی بھی اچھی رہی۔ ہماری ٹیم میں نوجوان کھلاڑی ہیں جنہیں یقیناً سیکھنے کا موقع ملا ہو گا، ہمارے دو ٹیسٹ میچز ہیں اس سکواڈ کے کھلاڑیوں کو بہت فائدہ ہو گا۔ بارش کے باعث ہمیں پہلے دو روز پریکٹس کا موقع نہیں ملا، نیٹ سیشن ہوا تھا،  پہلا ٹیسٹ کھیلوں گا۔