لاکھوں کی وارداتیں، ڈاکوؤں نے یرغمال بناکر متعدد راہگیر لوٹ لئے 

لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق  ڈیفنس کے علاقے میں یامین کے گھر گھس کر اہلخانہ کو  یرغمال بنا کر5لاکھ 83 ہزار روپے مالیت کی نقدی، طلائی زیورات، موبائل فون اور دیگر، غازی آباد کے علاقے میں عثمان اور اس کی فیملی سے 3 لاکھ روپے مالیت کی نقدی، طلائی زیورات اور موبائل فون، گلشن راوی کے علاقے میں وجاہت سے 2لاکھ روپے اور موبائل فون، لیاقت آباد کے علاقے میں جاوید سے ڈیڑھ لاکھ روپے اور موبائل فون، ستوکتلہ کے علاقے میں سلیم سے ایک لاکھ 40 ہزار روپے اور موبائل فون، شاہدرہ ٹاؤن کے علاقے میں قادر سے ایک لاکھ روپے اور موبائل فون، ملت پارک کے علاقے میں سلیم سے 42 ہزار روپے اور موبائل فون، ہربنس پورہ کے علاقے میں احمد سے16ہزار روپے اور موبائل فون لوٹ لیا۔ چوروں نے شمالی چھاؤنی، ماڈل ٹاؤن اور جوہر ٹاؤن کے علاقوں میں سے 3 کاریں جبکہ سندر، مانگا منڈی، گڑھی شاہو، شفیق آباد، غالب مارکیٹ، سبزہ زار اور فیکٹری ایریا کے علاقوں میں سے 7 موٹر سائیکلیں چوری کر لیں۔