شیخوپورہ (نمائندہ خصوصی)آل پاکستان کلرکس ایسوسی ایشن محکمہ صحت یونٹ ضلع شیخوپورہ کے صدر چوہدری غلام نبی ورک نے کہا ہے کہ دنیا کے امن کیلئے اسرائیل کو نشانہ عبرت بنانا ضروری ہے، عالمی دنیا کو فلسطین کے تڑپتے اور بلکتے معصوم بچے، چلاتی خواتین اور شہدا کی نعشیں کیوں نظر نہیں آتیں، اگر اسرائیل کو سبق نہ سکھایا گیا تو اسلام مخالف قوتیں کسی اور ملک پر بھی یہی ہتھکنڈے استعمال کر سکتی ہیں، میڈیا سے گفتگو کرتے چوہدری غلام نبی ورک نے کہا کہ غزہ فلسطین کو میلامیٹ کردیا گیاہے غزہ کے نہتے مسلمانوں پرآگ و بارود برسایا جا رہا ہے جس کی وجہ سے ہزاروں نہتے مسلمان بچے خواتین شہید ہوئے ہیں ۔