2030 تک پاکستان کی شہری آبادی 99.4 ملین ہونے کا خدشہ

 ایشیائی ترقیاتی بینک (اے ڈی بی)  نے پاکستان کی شہری آبادی میں اضافے سے متعلق رپورٹ جاری کر دی۔اے ڈی بی کی رپورٹ کے مطابق پاکستان کی شہری آبادی میں سالانہ بنیادوں پر 3.65 فیصد کی شرح سے اضافہ ہو رہا ہے، اس حساب سے 2030 تک پاکستان کی شہری آبادی 99.4 ملین ہو جائے گی۔اے ڈی بی رپورٹ میں بتایا گیا ہے کہ 2023 کی مردم شماری کے مطابق پاکستان کی شرح آبادی 2.55 فیصد ہے، 2023 کی مردم شماری کے مطابق اس وقت پاکستان کی شہری آبادی 93.8 ملین ہو چکی ہے جو 1981 کے بعد چار گنا بڑھ چکی ہے۔ایشیائی ترقیاتی بینک نے اپنی رپورٹ میں پاکستان میں پائیدار شہری ترقی کیلئے سمت متعین کرنے پر  بھی زور دیا ہے اے ڈی بی کے مطابق آبادی کے مقابلے پاکستان کی معاشی حالت غیر یقینی ہے جبکہ 2020 سے 2021 کے دوران آبادی بڑھنے کی رفتار میں کمی آئی ہے۔