آرٹس کونسل کےانتخابات برائے دو ہزار بارہ کی جنرل باڈی کا اجلاس کمشنر روشن علی شیخ کی زیر صدارت ہوا جس کے بعد ایک بجے کمشنر کراچی نے ووٹنگ کا عمل شروع کرنے کا اعلان کیا۔
آرٹس کونسل آف پاکستان کے سالانہ انتخابات میں پولنگ شروع ہونے سے قبل دونوں پینلز کے درمیان سخت جملوں کا تبادلہ بھی ہوا جبکہ دونوں جانب کے اراکین گتم گتھا ہوگئے۔ دوسری جانب انتخاب کیلئے دونوں پینلز کے کارکنان میں جوش وخروش دیکھا جارہا ہے ۔ انتخاب میں شہر قائد پینل کی جانب سےصدارت کیلئےمعروف اداکار عمر شریف، نائب صدر کے لیے رضوان صدیقی جبکہ سیکرٹری کے لیے سید اظفر رضوی کوامید وارنامزد کیا گیا ہے جبکہ احمد شاہ پینل کی طرف سےصدارت کیلئےمحمد احمد شاہ اور نائب صدر کے لیے محمود احمد خان امیدوارہیں