جہاں وفاق کی بات ہو گی وہاں زربابا کا نام بھی آئیگا، شہباز شریف کا قاسم ضیاء سے مکالمہ

لاہور (سپورٹس رپورٹر) وزےراعلیٰ شہبازشریف نے قومی ہاکی ٹیم کے اعزاز میں استقبالیہ کے دوران ٹیم مینجمنٹ اور کھلاڑیوں کے ساتھ خوشگوار انداز میں گفتگو کی۔ وزیراعلی نے تمام کھلاڑیوں سے فرداً فرداً ہاتھ ملایا اور چیمپئنز ٹرافی ہاکی ٹورنامنٹ میں عمدہ کارکردگی پر شاباش دی۔ وزیراعلی نے از راہ تفنن کہا کہ قومی ٹیم نے تیسری پوزیشن حاصل کی ہے جس پر میں 3 ملین روپے دینا چاہتا تھا تاہم اختررسول کے کہنے پر 5ملین روپے دے رہا ہوں۔ ہاکی فیڈریشن کے صدر قاسم ضیاءنے وزیراعلی سے گفتگو میں کہاکہ آپ نے ہمیشہ ہاکی کو سپورٹ کیا ہے حالانکہ ےہ وفاقی حکومت کا کام ہے جس پر وزیراعلی نے مسکراتے ہوئے کہاکہ وفاق کی بات ہو گی تو زر بابا کا نام بھی آجاتا ہے جس پر پوری محفل مسکر ا دی۔