دبئی (آن لائن) انٹرنیشنل کرکٹ کونسل نے نئی ٹیسٹ ٹیم رینکنگ جاری کر دی جس میں پاکستانی ٹیم کی ایک درجے ترقی ہوئی جبکہ بھارتی ٹیم انگلینڈ سے شکست کے بعد چوتھی سے پانچویں پوزیشن پر چلی گئی۔ نئی ٹیسٹ رینکنگ کے مطابق جنوبی افریقہ 123 پوائنٹس کے ساتھ سرفہرست ہے جبکہ انگلینڈ 118 پوائنٹس کے ساتھ دوسرے آسٹریلیا 114پوائنٹس کے ساتھ تیسرے پاکستان 109پوائنٹس کے ساتھ چوتھے جبکہ انڈیا 105پوائنٹس کے ساتھ پانچویں نمبر پر چلی گئی۔ سری لنکا چھٹے، ویسٹ انڈیز ساتویں، نیوزی لینڈ آٹھویں اور بنگلہ دیش نویں نمبر پر موجود ہے۔