لاہور ( سپورٹس رپورٹر)پاکستان ہاکی فیڈریشن کی جنرل کونسل کا اجلاس 23دسمبر کو لاہور میں ہوگا۔ پی ایچ ایف کے صدر اختر رسول چوہدری کی سربراہی میں ہونے والے اجلاس کے دوران ملک میں ہاکی کی بہتری کے حوالے سے اہم فیصلوں سمیت 2014ء میں پاکستان ہاکی ٹیم کی کارکردگی پیش کی جائے گی۔ جنرل کونسل اجلاس  میں قومی ٹیم کی ایشین گیمز اور بھارت میں ہونے والی  چیمپئنز ٹرافی میں کارکردگی کا بھی جائزہ لیا جائیگا۔اجلاس میں 2015 کے بجٹ کو پیش کیا جائیگا ۔