العین(آئی ا ین پی)کرسٹیانو رونالڈو نے ریال میڈرڈ کو ایک اورورلڈ ٹائٹل جتوا دیا، کلب ورلڈ کپ کے فائنل میں دفاعی چیمپئن ریال میڈرڈ نے گریمیوکوصفر کے مقابلے میں ایک گول سے شکست دی ۔العین میں کھیلے کلب ورلڈ کپ کا فائنل دیکھنے کےلیے شائقین کی بڑی تعداد اسٹیڈیم پہنچی ۔ریال میڈرڈ اورگریمیوکے درمیان دلچسپ مقابلہ ہوا، دونوں جانب سے ایک دوسرے کے گول پر حملے کئے ہوگئے ،پہلا ہاف بغیر کسی گول کے اختتام کو پہنچا۔دوسرے ہاف میں ریال میڈرڈ کو فری کک ملی، جسے کرسٹیانورونالڈو نے گول میں بدل دیا ۔اس گول کے بعد کھیل میں مزید تیزی تو آئی لیکن کوئی ٹیم مزید گول نہ بنا پائی ۔ ریال میڈرڈ نے ایک صفر کی فتح کے ساتھ کلب ورلڈ کپ ٹائٹل اپنے نام کر لیا ۔