کراچی(اسٹاف رپورٹر)گڑھی خدا بخش میں بے نظیر بھٹو کی دسویں برسی کے پروگرام کو حتمی شکل دے دی گئی۔ برسی کے موقع پر منعقدہ جلسے سے آصف زرداری اور بلاول بھٹو زرداری خطاب کریں گے۔پارٹی ذرائع کے مطابق 27 دسمبر کو بے نظیر بھٹو کی 10 ویں برسی میں شرکت کیلئے 26 دسمبر کو کارکنوں کے قافلے پہنچنا شروع ہوجائیں گے۔27 دسمبر کی صبح دس بجے قرآن خوانی کے بعد دو بجے مشاعرے سے جلسے کا آغاز ہوگا۔ مرکزی جلسہ 4 بجے شروع ہوگا، جس سے چاروں صوبوں کے پارٹی صدور ودیگر رہنما ئوں کے علاوہ آصف زرداری اور بلاول بھٹو زرداری بھی خطاب کریں گے۔جلسے کے بعد نوڈیروہاؤس میں پارٹی کی مرکزی مجلس عاملہ کا اجلاس ہوگا۔ 25 دسمبر کو بلاول بھٹو کی لاڑکانہ آمد متوقع ہے۔
بے نظیر برسی
