قزاقستان:تین خلابازوں کو لے کر خلائی جہاز بین الاقوامی خلائی سٹیشن کی طرف روانہ ہو گیا

آستانہ (آئی این پی) قزاقستان میں بیکانور کے خلائی مرکز سے تین خلابازوں کو لے کر خلائی جہاز بین الاقوامی خلائی اسٹیشن کی طرف روانہ ہو گیا۔ غیر ملکی میڈیا کے مطابق ان خلابازوں کا تعلق امریکا، روس اور جاپان سے ہے۔ خلائی جہاز سویوس ایم ایس زیرو سیون (MS-07) قزاقستان میں بیکانور کے خلائی مرکز سے اپنے سفر پر روانہ ہوا۔ تینوں خلاباز انٹرنیشنل اسپیس اسٹیشن پر چھ ماہ کے ایک مشن پر گئے ہیں۔ امریکی اور جاپانی خلاباز پہلی مرتبہ اس سفر پر روانہ ہوئے ہیں۔ خلائی جہاز کی روانگی کی تصدیق روسی اور امریکی خلائی اداروں نے بھی کر دی ہے۔