اسلام آباد(نیوزڈیسک)معروف ادبی تنظیم انحراف کے زیر اہتمام گزشتہ روز اکادمی ادبیات کے کانفرنس ہال میں ممتاز شاعرنعیم گیلانی کے شعری مجموعہ ’’خواب زاد‘‘ کی تقریب پذیرائی اور مشاعرہ منعقد کیا گیا،صدارت علی اکبر عباس نے کی جبکہ مہمان خصوصی معروف شاعر ارشد نعیم اور ڈاکٹر اشفاق احمد ورک تھے۔معروف شاعرعلی زریون نے بھی خصوصی طور پر شرکت کی۔سید ضیاالدین نعیم اور نسیم سحر نے صاحب کتاب کے فن و شخصیت پر گفتگو کی۔مشاعرہ میں شریک شعرا میں جاویداحمد،قیوم طاہر،محبوب ظفر،رحمن حفیظ،خورشیدربانی،عابد سیال،احمد فرید، عبدالقادر تاباں،عزیز فیصل ،عمران عامی،صغیر انور،یونس مجاز،پیر عتیق چشتی،سائل نظامی،اظہر عباس،عبدالباسط صائم،نعیم جاوید نعیم،فاخرہ نورین،رفعت وحید،ناہید اختر،فرحت عباس شاہ اور دیگر شامل تھے۔