لاہور (سپورٹس رپورٹر) بنک آف پنجاب پولو ٹورنامنٹ زرعی ترقیاتی بنک نے جیت لیا۔ فائنل میچ میں زرعی ترقیاتی بنک نے ماسٹر پینٹس ٹیم کو ساڑھے پانچ کے مقابلے 8 گول سے شکست دی۔ فاتح ٹیم کی جانب سے ثاقب خان خاکوانی نے چھ گول سکور کئے جبکہ مرتضٰی عباس اور راجہ ارسلان نے ایک ایک گول کیا۔ ماسٹر پینٹس کی جانب سے بلال حی نے تین جبکہ احمد بلال اور حمزہ مواز نے ایک ایک گول سکوہر کیا۔ قبل ازیں ٹورنامنٹ کا سبسڈری فائنل میچ کھیلا گیا جس میں بلیک ہارس ٹیم نے نیو ایج ٹیم کو ساڑھے تین کے مقابلے 8 گول سے شکست دیکر سبسیڈری فائنل میچ اپنے نام کیا۔