لندن (آئی این پی)انگلش پریمیئر لیگ میں لیور پول نے مانچسٹر یونائیٹڈ کو تین ایک سے شکست دے دی، دوسری جانب اسٹار فٹبالر لائنل میسی نے ہیٹرک کرتے ہوئے اپنے کلب بارسلونا کو لیوانتے کے مقابلے میں پانچ صفر سے فتح دلا دی۔خبر رساں ایجنسی کے مطابق اسپینش فٹبال لیگ کے دلچسپ مقابلے جاری ہیں، جہاں دفاعی چیمپیئن بارسلونا نے لیوانتے کو آٹ کلاس کردیا۔ سواریز نے گول کرکے بارسلونا کا کھاتہ کھولا اور پھر میسی نے کلاس دکھائی۔میسی نے اس اہم مقابلے میں ایک دو نہیں پورے تین گولز داغے۔ تینوں لوگز کے ساتھ ہی میسی نے لالیگا سیزن کی پہلی، کیرئیر کی اکتیس ویں ہیٹرک کی۔دوسری جانب انگلش پریمیئر لیگ میں لیورپول کے شکیری کا جادو چل گیا۔ مانچسٹریونائیٹڈ اور لیورپول کے درمیان مقابلہ ایک ایک سے برابر تھا کہ کھیل کے سترویں منٹ میں شکیری بطور متبادل کھلاڑی گرانڈ میں آئے۔میچ کے سات ویں منٹ میں انہوں نے دو گولز داغ کر مانچسٹر یونائیٹڈ کا پتا صاف کیا اور شکست سے دوچار کیا۔ پوائنٹس ٹیبل پر لیورپول کو اس میچ کی بدولت پہلی پوزیشن بھی مل گئی ہے۔