لاہور(نمائندہ سپورٹس)قومی ٹی ٹوئنٹی کر کٹ ٹورنامنٹ میں فاٹا نے راولپنڈی کو 6 وکٹوں سے شکست دے دی،خوش دل کے جارحانہ 65رنز نے راولپنڈی سے میچ چھین لیا آٹھویں روز کے پہلے میچ میں پشاور ریجن نے ایک سنسنی خیز مقابلے کے بعد اسلام آبا د ریجن کو 3وکٹوں سے شکست دیدی ملتان کر کٹ سٹیڈیم میں جاری ایونٹ میں گزشتہ روز پشاور نے ٹاس جیت کر پہلے فیلڈنگ کا فیصلہ کیا جس پر اسلام آباد ریجن نے مقررہ اوور میں سات وکٹوں پر 135رنز بنائے اسلام آباد کی جانب سے عابد علی 47عدیل ملک 30اور افتخار احمد 21رنز بناکر نمایاں رہے جبکہ پشاور کی جانب سے ساجد خان اور وقاص مقصود نے دو دو ،محمد محسن اور عمران خان سینئر نے ایک ایک وکٹ حاصل کی جواب میں پشاور نے مطلوبہ ہدف آخری اوورمیں آخری بال پر حاصل کیا ،ناقابل شکست 41رنز بنانے پر محمد وقاص میچ کے بہترین کھلاڑی قرار پائے۔