لاہور(سپورٹس رپورٹر ) ہاکستان سائیکلنگ فیڈریشن کے زیر اہتمام لاہور میں جاری قومی مینز اور ویمینز سائیکلنگ چیمپئن شپ کے تیسرے روز خواتین کے سپرنٹ ویمن ایلیٹ اور ایلیمنیشن ریس کے مقابلے ہوئے۔ سپرنٹ ویمن ایلیٹ کے مقابلے میں آرمی کی صبیحہ نے پہلے، واپڈا کی فضہ ریاض نے دوسری جبکہ سوئی سدرن گیس کمپنی کی راجیہ نے تیسری پوزیشن اپنے نام کی۔ اسی طرح ایلیمنیشن ریس میں آرمی کی صبیحہ نے پہلی پوزیشن حاحل کی۔ سوئی سدرن گیس کمپنی کی راجیہ نے دوسری اور واپڈا کی انم تیسرے نمبر پر رہیں۔ پیر کے روز ہونے والے مقابلوں کے مہمان خصوصی صدر پنجاب سائیکلنگ ایسوسی ایشن معظم خان کلیئر تھے جنہوں نے انعامات تقسیم کیے۔ آج بروز منگل کو چیمپئن شپ کی اختتامی تقریب کے مہمان خصوصی ڈی جی سپورٹس ندیم سرور ہونگے اور کامیاب کھلاڑیوں میں انعامات تقسیم کرینگے۔