ہواوے اسکواش ٹورنمنٹ، فرحان محبوب اور طیب اسلم کی سیمی فائنل میں رسائی

اسلام آباد(سپورٹس رپورٹر) ہواوے پاکستان انٹرنیشنل اسکواش ٹورنامنٹ میں مردوں کے مقابلوں میں پاکستان نے فرحان محبوب اور طیب اسلم نے سیمی فائنل کیلئے کوالیفائی کر لیا۔مصر کے یوسف ابراہیم اور محمد الشیربینی نے بھی سیمی فائنل کیلئے کوالیفائی کر لیا۔خواتین کے مقابلوں میں مصر کی حانا موتاز ، فریدہ محمد،مینا حمید اورامریکہ کی سابرینا سوبح نے سیمی فائنلز کیلئے کوالیفائی کیا۔سیرینا ہوٹلز ہواوے پاکستان انٹرنیشنل اسکواش ٹورنامنٹ کے سیمی فائنلز (آج)بدھ کومصحف اسکواش کمپلیکس اسلام آباد میں کھیلے جائیں گئے۔منگل کو سیرینا ہوٹلز ہواوے پاکستان انٹرنیشنل اسکواش ٹورنامنٹ کے کوارٹر فائنلز مصحف اسکواش کمپلیکس اسلام آباد میں کھیلے گئے۔مردوں کے پہلے کوارٹر فائنل پاکستان کے عاصم خان اور مصر کے یوسف ابراہیم کے مابین کھیلا گیا،جس میںمصر کے یوسف ابراہیم نے عاصم خان کو 13-11،11-13،11-5اور11-9کے سکور سے شکست دیدی۔مردوں کے دوسرے کوارٹر فائنل میں پاکستان کے فرحان محبوب اور فرحان زمان کے مابین کھیلا گیا جس میں فرحان زمان نے فتح حاصل کی۔تیسرے کوارٹر فائنل میں پاکستان کے طیب اسلم نے مصر کے یحییٰ ایلناوسانے کو شکست دیکر سیمی فائنل کیلئے کوالیفائی کر لیا۔ طیب اسلم نے11-2،11-8اور11-3کے سکور سے فتح حاصل کی۔مردوں کے چوتھے کوارٹر فائنل میں مصر کے محمد ایلشیر بینی نے پرتغال کے روئی سوریس کو11-7،11-9،11-7کے سکور سے شکست دی ۔خواتین کے پہلے کوارٹر فائنل میں مصر کی حانا موتاز نے ہم وطن فرح مومن کو شکست دی جبکہ دوسرے کوارٹر فائنل میں مصر کی فریدہ محمد نے ملائیشیا کی وائن لی لے کو شکست دی ۔ خواتین کے تیسرے کوارٹر فائنل میں مصر کی مینا حمید نے سوٹزرلینڈ کی سینڈی میرلو کق شکست دیکر سیمی فائنل کیلئے کوالیفائی کیا،اسی طرح امریکہ کی سابرینا سوبح نے سوٹزرلینڈ کی نادیہ کو شکست دیکر سیمی فائنل کیلئے کوالیفائی کیا۔سیرینا ہوٹلز ہواوے پاکستان انٹرنیشنل اسکواش ٹورنامنٹ کے سیمی فائنلز (آج)بدھ کومصحف اسکواش کمپلیکس اسلام آباد میں کھیلے جائیں گئے۔