رحیم یار خان، صادق آباد (بیورو رپورٹ+ کرائم رپورٹر+ خبر نگار) آہنی گیٹ اور دیوار گرنے سے تین کم سن بچے جاں بحق جبکہ ایک شدید اور ایک معمولی زخمی ہو گیا۔ تفصیلات کے مطابق بستی شہباز پور جمال دین والی روڈ کے علاقہ میں گزشتہ روز پانچ بچے ایک گھر میں آہنی گیٹ پر جھولے جھول رہے تھے۔ اچانک کئی من وزنی بوسیدہ گیٹ پلرز اور دیوار سمیت بچوں پر آ گرا جس سے تین بچے فیضان عمر سات سال، عالیہ بی بی چار سال اور  نجمہ بی بی موقع پر ہی جاں بحق ہو گئے۔ جبکہ علی رضا عمر چھ سال شدید زخمی کو صادق آباد منتقل کر دیا گیا۔ الیاس احمد کو موقع پر طبی امداد دی گئی۔