محمد یوسف‘ایان بشپ کی کلینڈر ایئر میں 2ہزار رنز بنانے پر محمد رضوان کو شاباش

لاہور(سپورٹس رپورٹر)پاکستان کے لیجنڈ بلے باز محمد یوسف نے محمد رضوان کو کلینڈر ایئر میں 2000 رنز بنانے پر شاباش دی ہے۔ ویسٹ انڈیز کے سابق فاسٹ بائولر و موجودہ کمنٹیٹر ایان بشپ نے ورلڈ ریکارڈ قائم کرنے پر محمد رضوان کو مبارکباد پیش کی ہے۔قومی ٹیم کے سابق کپتان محمد یوسف نے محمد رضوان کی تعریف کرتے ہوئے کہا ہے کہ ایک سال میں 2 ہزار رنز بنانا کوئی مذاق نہیں۔ٹوئٹر پر جاری بیان میں محمدیوسف نے وکٹ کیپر بلے باز کو ٹیگ کرتے ہوئے کارکردگی پر شاباش بھی دی۔