لاہور(سپورٹس رپورٹر)قومی کرکٹ ٹیم کے ہیڈ کوچ ثقلین مشتاق نے کہا ہے کہ ویسٹ انڈیز کے خلاف ٹی ٹونٹی سیریز جیتنے پر اْنہیں قومی ٹیم پر بہت فخر ہے۔ ٹوئٹر پر ثقلین مشتاق نے قومی کرکٹ سکواڈ کی تصویر شیئر کی جوکہ گزشتہ روز ویسٹ انڈیز کیخلاف ٹی ٹونٹی سیریز جیتنے کے بعد لی گئی تھی۔ثقلین مشتاق نے ٹویٹ میں لکھا کہ جس طرح ٹی ٹونٹی سیریز کا اختتام ہوا وہ شاندار تھا۔ورلڈ کپ، بنگلہ دیش اور اب ویسٹ انڈیز سیریز سے جس طرح سے ہمارے منصوبوں کو مکمل کیا گیا اس پر مجھے بہت خوشی اور فخر ہے۔ہماری کلین سویپ جیت کے علاوہ، ہماری جوش، اتحاد اور اعتماد نے بھی شاندار کارکردگی کا مظاہرہ کیا۔اْنہوں نے پاکستان زندہ باد کا نعرہ لگاتے ہوئے لکھا کہ ’میں اس سے زیادہ نہیں مانگ سکتا تھا۔واضح رہے کہ پاکستان نے ویسٹ انڈیز کو تیسرے ٹی ٹوئنٹی میچ میں بھی شکست دے کر تین میچوں کی سیریز میں کلین سوئپ کردیا۔