ڈکیتی‘ چوری کی متعدد وارداتیں‘ شہری لاکھوں روپے‘ قیمتی اشیاء سے محروم 

لاہور (نامہ نگار) لاہور کے مختلف علاقوں میںڈاکوئوں اور چوروں نے متعدد وارداتوں کے دوران شہریوں سے لاکھوں روپے، طلائی زیورات، موبائل، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق تھانہ شادباغ مصری شاہ گندا نالہ کے قریب دو ڈاکوؤں نے حافظ عادل، وقاص اور نعمان افتخار سے  9 لاکھ 33 ہزار300، 5 موبائل لوٹ لئے، ٹاؤن شپ میں ساجدکے گھر سے 5لاکھ16ہزار طلائی زیورات،موبائل اور دیگر سامان، فیصل ٹاؤن میں حسان بٹ سے2لاکھ 10ہزار اور موبائل، ملت پارک  میں عمران سے ایک لاکھ اور موبائل، رائیونڈ سٹی میں نواز سے 64 ہزار اور موبائل، مغلپورہ میں عاطف سے 60 ہزار روپے اور موبائل فون، مناواں میں ارمغان سے 40 ہزار اور موبائل فون، شاہدرہ ٹاؤن میں منیب سے 34 ہزار اور موبائل فون، گلشن اقبال میں زاہد سے 13 ہزار اور موبائل لوٹ لیا۔ چوروں نے اسلام پورہ میں جبار کی دکان سے 3لاکھ  اور دیگر سامان چوری کرلیا  ڈیفنس سی اور مسلم ٹاؤن  سے2کاریں، پرانی انارکلی سے رکشہ جبکہ ہربنس پورہ ، گرین ٹاؤن ، نیو انارکلی، ریس کورس، گلشن راوی ، ڈیفنس بی، شاہدرہ ٹاؤن ، داتا دربار ، مصری شاہ ،شادمان ،فیصل ٹاؤن ، ہنجروال ، بھاٹی گیٹ اور نواں کوٹ کے علاقوں سے14 موٹرسائیکلیں چوری کرلیں۔