بچیانہ(نمائندہ نوئے وقت)آج گلی گلی نگر نگر لبیک یارسول اللہ کی صدائیں بلند ہو رہی ہیں۔امیرالمجاہدین کا جوانوں کو دیا ہوا جذبہ عالم کفر کا ڈٹ کر مقابلہ کرنے کی صلاحیت رکھتا ہے۔ لبیک کے جوانوں نے اپنی جوانیاں پیش کر کے حضورؐ سے محبت اور عقیدت کی مثال پیش کی ہے۔ ان خیالات کا اظہار تحریک لبیک پاکستان کے ضلعی نائب امیر سید آصف اللہ شاہ بخاری نے بچیانہ کے علاقہ 7 چک میں محفل میلاد مصطفیؐ سے خطاب کرتے کیا انہوں نے کہا کہ لیبک کا دور آیا تو نہ کوئی بھوکا سوئے گا اور نہ ہی کہیں ظلم ہونے دیں گے۔نظام مصطفی کو حقیقی طور پر نافذ کریں گے۔ محفل میں حضرت علامہ مولانا اسد مدنی نے خطاب کرتے کہا کہ اس بار ووٹ کی پرچی مصطفیؐ کے نام پر جائے گی کیونکہ ہم نے مصطفیؐ کے دین کو تخت پر لانا ہے ۔ اس موقع پر حاجی رانا سرفراز‘ رانا عارف‘ ذیشان مغل ‘ عدیل سرفراز‘ رانا مدثر‘ حاجی ریاض‘ جمیل فراز ‘ رضوان عطاری‘ حافظ سلطان ‘ میاں غفران‘ باو جٹ ‘ مولوی نصراللہ‘ ظہیر شاہ‘ ذین جٹ سمیت اہل علاقہ کی کثیر تعداد نے شرکت کی ۔