کالاباغ ڈیم کی تعمیر ناگزیرہوچکی ہے

مکرمی! ضلع میانوالی میں کافی عرصہ قبل پیر پہاٹی کے مقام پر کالا باغ ڈیم کی تعمیر شروع کی گئی تھی اسکی تعمیر پر اس وقت اربوں روپے خرچ ہوئے تھے اور کام نا معلوم وجوہات کی بنا پر بند کر دیا گیا تھا جو کہ آج تک بند ہے اگر اس وقت کا لا باغ ڈیم بن جاتا تو پاکستان کی تقدیر بدل جاتی لیکن شومئے  قسمت اس ملک کے سبب سے بڑے ڈیم کی تعمیر کو آج تک نظر انداز کیا گیا ہے اگر اب بھی کالا باغ ڈیم کا بقیہ کام دوبارہ شروع کیا جائے تو قلیل عرصہ اور کم لاگت میں یہ ڈیم مکمل ہوسکتا ہے ۔ اس ڈیم کی تعمیر سے انرجی تجارت، زراعت درآمدات بر آمدات بے روزگاری کاروبار کے سمیت متعدد فوائد حاصل کئے جا سکتے ہیں لاکھوں ایکڑ رقبہ قابل کاشت ہوجائے گا اور دریائے سندھ میں آنے والے سیلاب کی تباہ کاریوں سے عوام محفوظ ہو جائیں گے اس سیلاب سے اربوں روپے کا نقصان ہو جاتا ہے ڈیم بننے سے سیلاب کا خطرہ ٹل جائے گا۔ وزیراعظم عمران خان نے 11دسمبر کو میانوالی میں جلسہ عام سے خطاب میں ضلع میانوالی کیلئے اربوں روپے کے میگا پراجکٹس کا اعلان کیا ہے جو کہ انتہائی خوش آئند اقدام ہے اورضلع میانوالی کی لاکھوں عوام ان کو ان میگا پراجیکٹوںکے لئے فنڈزدینے پر زبردست خراج تحسین پیش کرتے ہیں ۔ن کی خدمت میں التماس کرتے ہیں جو کہ وہ فوری طور پر اپنے دست مبارک سے کالا باغ ڈیم کا افتتاح کریں اور ملک کو کلین اینڈگرین شاداب بنا کر عوام کی محرومیاں دور کریں، اُمید ہے جناب وزیراعظم عمران خان اپنے آبائی ضلع کے اہم ترین ڈیم کا سنگ بنیاد رکھنے کے لیے جلد تشریف لائیں گے اور ملک کو اندھیروں سے نکال کر ترقی یا فتہ ملک بنائیں گے۔ (سید لطف علی بخاری، میانوالی)