فیصل آباد، خوشاب، گلگت میں ٹریفک حادثات، بچی دولہے سمیت 9 جاں بحق

فیصل آباد‘ خوشاب(نوائے وقت رپورٹ) گلگت، فیصل آباد، خوشاب میں ٹریفک حادثات میں بچی، دولہے سمیت 9 افراد مارے گئے۔ ریسکیو حکام کے مطابق شاہراہ قراقرم جوئیال کے مقام پر ٹریکٹر اور موٹر سائیکل میں ٹکر ہو گئی۔ حادثے میں بچی سمیت تین افراد جاں بحق اور دو زخمی ہو گئے۔ زخمیوں کو طبی امداد کیلئے ہسپتال منتقل کر دیا گیا ہے۔ پولیس کے مطابق خوشاب میں سرگودھا روڈ پر ملبے سے بھری ٹرالی ایک گاڑی پر ٹکرا گئی۔ حادثے میں دولہا سمیت چار افراد جاں بحق اور آٹھ زخمی ہو گئے۔ فیصل آباد میں ایک کار بے قابو ہو کر ٹریکٹر سے ٹکرا گئی جس سے دو افراد جاں بحق اور دو زخمی ہو گئے۔ دونوں حادثات میں زخمیوں کو طبعی امداد کیلئے ہسپتال میں منتقل کر دیا گیا ہے۔ 
ٹریفک حادثات