لاہور(سپورٹس رپورٹر)کراچی ٹیسٹ کے پہلے روز پاکستان ٹیم پہلی اننگز میں 304 رنزبناکر آو¿ٹ ہوگئی‘انگلینڈ نے جواب میں پہلی اننگز میں ایک وکٹ پر سات رنز بنالئے ہیں۔پاکستان ٹیم کے کپتان بابر اعظم نے ٹاس جیت کر بیٹنگ کا فیصلہ کیا ۔ عبداللہ شفیق اور شان مسعود نے اننگز کا آغاز کیا تاہم عبد اللہ شفیق 8 رنز بنا کر لیچ کی گیند پر ایل بی ڈبلیو ہو گئے جبکہ 46 کے مجموعے پر شان مسعود بھی 30 رنز بنا کر مارک ووڈ کی گیند پر کیچ آو¿ٹ ہو گئے۔کھانے کے وقفے سے قبل آخری اوور میں اظہر علی اولی رابنسن کی گیند پر وکٹوں کے پیچھے کیچ آو¿ٹ ہو گئے، انہوں نے 45 رنز کی اننگز کھیلی۔ سعود شکیل 23 رنز بنا کر ریحان احمد کا شکار بنے جبکہ محمد رضوان 19 رنز بنا کر جو روٹ کی فل ٹاس گیند پر بین سٹوکس کو کیچ دے بیٹھے، بابر اعظم 78 رنز بنا کر رن آو¿ٹ ہوئے جبکہ فہیم اشرف 4 رنز کے مہمان ثابت ہوئے۔آغا سلمان اور نعمان علی نے انگلش باﺅلرز کے سامنے مزاحمت کی کوشش کی لیکن 20 رنز بنا کر نعمان علی بین سٹوکس کا شکار بنے۔نعمان کے بعد آغا سلمان بھی 56 اور ابرار 4 رنز بنا کر پویلین لوٹ گئے اور قومی ٹیم پہلی اننگز میں 304 رنز پر ڈھیر ہوگئی۔ جیک لیچ نے 4، ریحان احمد نے 2 جبکہ رابنسن، مارک ووڈ اور روٹ نے ایک ایک کھلاڑی کو آو¿ٹ کیا۔جواب میں انگلینڈ نے ایک وکٹ پر سات رنز بنالئے ہیں ۔ مہمان ٹیم کی جانب سے زاک کرالی اور بین کرافٹ نے اننگز کا آغاز کیا ۔ زاک کرالی ابرار احمد کی گیندپر ایل بی ڈبلیو ہوئے‘وہ کھاتہ بھی نہ کھول سکے ۔ بین ڈکٹ چار اور اولی پوپ بغیر کوئی رن بنائے دوسرے دن کے کھیل کا آغاز کریں گے ۔ واحد وکٹ ابرار احمد نے حاصل کی ۔ ٹاس کے وقت قومی ٹیم کے کپتان بابر اعظم کا کہنا تھا کہ کراچی ٹیسٹ میں محمد وسیم جونیئر ڈیبیو کر رہے ہیں، اظہر علی، نعمان علی اور شان مسعود کو بھی پیلنگ الیون کا حصہ بنایا گیا ہے۔ تیسرے ٹیسٹ کیلئے امام الحق، محمد علی، زاہد محمود اور محمد نواز کو آرام دیا گیا ہے۔انگلش کپتان بین سٹوکس نے کہا کہ ہم بھی ٹاس جیت کر پہلے بیٹنگ ہی کرتے لیکن پہلی ترجیح سیریز تین صفر سے جیتنا ہے۔جیمز اینڈرسن کو آرام دیا گیا ہے اور ان کی جگہ ریحان احمد ٹیسٹ ڈیبیو کر رہے ہیں۔ تین ٹیسٹ میچوں کی سیریز میں انگلینڈ کو دو صفر کی فیصلہ کن سبقت حاصل ہے۔