کیر یئر کا آخری  میچ کھیلنے والے اظہر علی کے اعزاز میں تقریب

کراچی(اسپورٹس رپورٹر) اپنے کیریئر کا آخری میچ کھیلنے والے اظہر علی کے اعزاز میں کراچی کے نیشنل سٹیڈیم میں تقریب سجائی گئی جس میں پاکستان کرکٹ بورڈ کے چیئرمین رمیز راجہ نے بھی شرکت کی۔پاکستان اور انگلینڈ کے درمیان کھیلے جارہے سیریز کے آخری ٹیسٹ میچ میں کھانے کے وقفے کے دوران ہونے والی تقریب میں رمیز راجہ نے اظہر علی کو سوینیئر پیش کیا۔ رمیز راجہ نے کہا کہ اظہر علی پاکستان کے اصل ہیرو رہے ہیں، ان کی خدمات پر مشکور ہوں۔ اظہر علی نے کہا کہ تمام ساتھی میرے ساتھ بھائیوں کے طرح کھیلے۔اس موقع پر اظہر علی کی فیملی بھی کراچی نیشنل سٹیڈیم میں موجود تھی۔