پارک ویو سٹی مےںپنڈی بوائز کرکٹ ٹیم کے کھلاڑےوںکے اعزاز میں خوبصورت شام 

اسلام آباد (خبر نگار)پارک ویو سٹی اسلام آباد مےں میگا اسٹارز لیگ اور پنڈی بوائز کے اعزاز میں خوبصورت شام سجائی گئی۔جس میں دنیائے کرکٹ جگمگاتے مشہور اسٹارز بوم بوم شاہد خان آفریدی، مشتاق احمد،،محمد حفیظ،انضمام الحق مصباح الحق،عبدالرزاق نے محفل کو چار چاند لگائے۔تقریب میں شوبز اسٹارز نے بھی خوب جلوے دیکھائے۔عدنان صدیقی معمر رانا،اعجاز خان،یاسر حمید سمیت دیگر مشہور معروف فنکاروں نے بھرپور شرکت کی۔خوبصورت شام میں پنڈی بوائز کرکٹ ٹیم کے کھلاڑی نے بھرپور انٹری دی۔پنڈی بوائز کے ہوم گراونڈ پارک ویو سٹی میں ہی ٹیم کا آفیشل سانگ میں لانچ کیا گیا۔تقریب میں کرکٹ اور فنون لطیفہ سے تعلق رکھنے والے مشہور معروف اسٹارز کے زیر استعمال اشیاءکی نیلامی بھی کی گئی۔
چیریٹی ڈنر کی خوبصورت شام کے پیچھے چھپا تھا بڑا ہی احسن مقصد بھی کیونکہ ساری رقم شاہد آفریدی فاﺅنڈیشن کو عطیہ کی گئی، تقریب میں اداکاروں فنکاروں اور گلوکاروں کرکٹ اسٹارز کے دستخط شدہ اشیاءکی نیلامی ہوئی۔مشہور گلوکار مصطفی زاہد کے دستخط شدہ گیٹار تین لاکھ میں نیلام ہوا۔جس کو فئیر ڈیل مارکیٹنگ کے سی ای او چوہدری عبدالروف نے خرید لیا۔کرکٹ اسٹار محمد حفیظ کے دستحط والا بیٹ پانچ لاکھ میں بک گیا۔کرکٹ لیجنڈ شاہد خان آفریدی کی دستحط والی گیند جس پر انضمام الحق اور مشتاق احمد نے بھی دستحط کیے ساٹھ ہزار میں نیلام ہوئی۔