اقرا کلب کی ہفتہ وار نشست ،ہر چیز اپنے محور کے گرد گھومتی ہے،انسانی زندگی کا حقیقی محور قرآن کریم ہے:شرکاء

لاہور(نیوز رپورٹر) لاہور پریس کلب میں اقرا کلب کی ہفتہ وار نشست میں شرکا نے سورہ زخرف کی آیات 43,44 پر پر گفتگو کرتے ہوئے کہا کہ ہر چیز اپنے محور کے گرد گھومتی ہے،انسانی زندگی کا حقیقی محور قرآن کریم ہے،جس سے جڑنا اور اس سے تمسک رکھنا دائمی فلاح کا موجب ہے۔ وحی الہٰی کا ظہور ہونے کے ناتے یہی محور صراط مستقیم کا ضامن اور شرف انسانیت ہے۔ جب ہم اس شرف کی قدر نہیں کریں گے تو ہم باز پرس ہو گی۔ آخر میں مرحوم ارکان پریس کلب و اقربا کیلئے مغفرت،بیمار ارکان کیلئے صحت، بے گناہ قیدیوں کی رہائی اور فلسطین کی فتح و نصرت کی دعا کی گئی۔