چیک پوسٹوں پر حملے پسپا کئے ‘گولی کا جواب گولی سے دینگے :آئی جی

لاہور(نامہ نگار)آئی جی پنجاب پولیس ڈاکٹر عثمان انور کا کہنا ہے پنجاب پولیس بہت بہتر کام کر رہی ہے۔ آئی جی پنجاب ڈاکٹر عثمان انور نے کہاہے کہ ایک انٹرنیشنل سروے میں پولیس کو کرپٹ کہا، ہم نے انٹرنیشنل سروے والوں کو چیلنج کیا ہے کہ وہ دوبارہ سروے کریں۔پنجاب پولیس بہت بہتر کام کر رہی ہے۔انٹرنیشنل سروے کو ہم ڈیٹا سے غلط ثابت کریں گے۔پولیس کے خدمت مراکز بہت بہتر کام کر رہے ہیں۔پولیس اب سروسز کا کام کر رہی ہے۔ دو کیس چھوڑ کر باقی تمام ڈکیتی کے ملزمان کو کیفر کردار تک پہنچایا ہے۔ڈیرہ غازی خان میں 6 کروڑ کے ئے اغواء ہونیوالے بچے کو بغیر تاوان کے بازیاب کروایا ہے۔گولی کا جواب گولی سے دیں گے۔ چیک پوسٹوں پر ہونے والے حملے ہم نے پسپا کئے۔پنجاب کے تمام تھانوں کو وی آئی پی بنایا جا رہا ہے۔